موقعة الرخام

https://www.facebook.com/photo.php?fbid=295308487177351&set=a.204070466301154.46930.175807659127435&type=1&ref=nf

في غُربِتي ما بْيَدِّي حِيلة

غِير إني أَتْفَرَّج وأستنى

في غُرْبِتي والعين بصيرة

والقلب موجوع يِتْحَسَّر ويِتْمَنَّى

والإيد قصيرة تِمْسَح دموع

شوق الرجوع وِتِتْغَنَّى

بِحُب التراب وِعِشْق الهوا

.....

هَوَا بلدي بقى دخان

قنابل غاز ولهيب نيران

ولَمَّا أقول حق اللي مات   

ولَمَّا أقول هانسى اللي فات

ألاقي قدامي أَلْف جبان

 .....

كلابهم عنك بَعَدُوني عَزَلُوني

وفي الخليج جَنْبِك حدفوني ونفوني

أَعَلِّمْ وأَعَلِّي

أَكَبَّرْ وأَخَلِّي

رمالْهُم ذهب ف جيوبي يملوني 

.....

وهاعملْ إيه وأنا اللي هناك

سمايا هِنا مش زي سماك        

بكيت ساعتين

بكيت يومين

إيدي على خَدِّي بتستناك

 .....
واقف بِطُولُه أمام جبروت

معارك طوب ولا عين جالوت

بِرُخام مسنون

مسئول مجنون

ضبطنا النفس والناس بتموت
.....

كُل الآذان صَابها الصَّمَم

وِاتْلَّف على العينين الغمام

قتلوا اللي لابسين العمم

عَوَجوا الضماير والذمم

ماعادش ناقص غير الحَمام

.....