كِبْر !!

http://www.almogaz.com/opinion/news/2011/12/19/120789على الموجز

http://www.facebook.com/AlmogazNews/posts/152688611501334 على صفحة الموجز

http://www.facebook.com/notes/hala-moneer- bedeer/%D9%83%D9%90%D8%A8%D9%92%D8%B1/10150436810121696

كلام يتقال هنشوفه بعينينا

ولسه هايجي اليوم لِماَ صَنَعِتْ إيدينا

والبيت لو مش من إزاز اليوم

هايجي علينا

الوقت يكون من ورق يِتْكِتِب فينا

لُومنا واعترضنا

وهددنا ووعدنا

ولكن نسينا ..

إله إذا اعترضت اليوم

على خِلْقِتُه ف محكوم

ما تِنسى مهما تصوم

إن القيامة تقوم

والذنب مِعَلَّق ف رقابينا ..

وويلي مما جَنَى لِساني

ومهما أقول نسَّاني

بِكِبر وقوة وداني

على طريق ما مِنُّه رجوع ..

أنا في القُول أكيد مسموع

وكل الناس أمامي خضوع

والعيب عدَّاني ..

دا أنا صليت بفلوس زكيت

ورب البيت

بِفَضْلُه عليا مناني ..

وحق عباد ليكون بمزاد

هايكون بميعاد

الحق هيرجعه تاني ..

السبيل لساه موجود

خلي الأمل ممدود

الظلم ليه مردود

لا !! عَظَمْتِي منعاني ..

بس الصراط مشدود

والوزن اتحسب معدود

والعمر أهه محدود

الموت مش هيرجعوا تاني ..

العمر اللي فنى

والمال اللي غنى

والولد اللي ضنى

مافْهُمش حاجة شفعاني ..

كله ف يوم أهوال

وخسوف زلزال

وكتب أعمال

يا حسرة كِبْري أعماني ..