ثُورِي ..

http://www.almogaz.com/opinion/news/2012/03/26/233605

وِبَعْدَهَالِك فِ ضِل الصبر صابرة ومْرَابْطَة

إن فيه الحَل و مِ المُحَال تِلْقِيه ..

ثُورِي على أرضك ثُورِي عَ الخَارْطَة

واللي يُقَف ضِدِّك بِالسِّنَان تَاكْلِيه ..

ثُورِي على اللي ثَارْ ولا كَمِّلْ ..

ثُورِي على اللي غَارْ ولا طَوِّلْ ..

ثُوري على ثورتك..ثوري على نفسك ..

ثوري من تاني ..

من تاني هيكَسَّروا الإقلام !!

من تاني هَيْبَدِّدُوا الأحلام !!

من تاني كُل النصيب آلام !!

ثوري من تاني ..

ثُوري ، كل النظام تفصيل ..

ثوري ، كل الكلام تأويل ..

ثوري ، كل السلام تضليل ..

ثوري كما كنتِ عَ الطريق راجعة

ومِ الفلول جايين يحكموا تاني ..

ثوري راياتك فِ ايدينا اهي رافعة

روح الشهادة بلسَان يِلَبِّي من تاني ..

ثوري على ثورتك .. ثوري على نفسك ..

ثوري من تاني ..