ثورة في سِرَّك

http://www.almogaz.com/opinion/news/2012/01/31/171965

تَعْلَب ونايم عَ السراير

رايج وجاي فِ الطيارات

ودِيبُه يِمَوِّتْ فِ الضماير

ومن دِيلُه السبع لَفَّات

رايق البال مِسْتَنِّي البشاير

للبراءة من دم اللي مات

نسر مش مجروح جارح وطاير

ضَلِّل بصوته على السُكات

سِجننا عَ الكعب داير

وسجنهم كراسي وكَابات

والكلابشات فِ إيدينا أساور

وضباطنا بِتِضْرَبْلُهم سلامات

مجرم لِحلِمي بِضِل الستاير

أو نفسي جت لعيشة الذوات

وشغلي أَغْزِلِّك فِ الضفاير

وراضي بأكلي كَسْر وفتات

وطول ما حاطِّنِي فِ دواير

عمري أعيشهولك ساعات