تِراهِنِّي أضرب الشعب هُوَّا هُوَّا على قفاه .. ؟!

http://www.almogaz.com/opinion/news/2012/04/2/238746
https://www.facebook.com/photo.php?fbid=328625433865647&set=a.160916870636505.34297.160897417305117&type=1
http://www.youtube.com/watch?v=nOEFhRVHc7A
تم نقلها دون ذكر المصدر ولا اسم الكاتب : http://www.tegaraworld.com/vb/t-29575.html

إخوانجي وعسكري دخلوا السيما ..

الإخوانجي قال للعسكري : تِراهِنِّي أضرب الشعب على قفاه ؟؟

قاله: أراهنك !!

 الإخوانجي قام ضرب الشعب على قفاه وقاله : إزيَّك يا حامد !

الشعب قاله : أنا مش حامد !!

قاله : غريبة مع إن قفاك يشبه قفا حامد !

قاله : بس أنا مش حامد !!

الإخوانجي قاله :   Sorry طم   Sorry تريلالم   Sorry طم   ..

الإخوانجي كسب الرهان من العسكري وقاله : تراهني لتاني مرة أضرب الشعب هُوَّا هُوَّا على قفاه ؟؟

قاله: أراهنك !!

الإخوانجي قام ضرب الشعب على قفاه وقاله : أنا عارفك يا حامد طول عمرك يا حامد تقول إن إنت مش حامد بس إنت حامد يااااا حامد !

الشعب قاله : عَلَيَّ الطلاق بالتلاتة أنا مش حامد !

الإخوانجي قاله :   Sorry طم   Sorry تريلالم   Sorry طم   ..

الإخوانجي كسب الرهان وقال للعسكري : تراهني لتالت مرة أضرب الشعب هُوَّا هُوَّا على قفاه ؟؟

قاله: أراهنك !!

الإخوانجي قام ضرب الشعب على قفاه وقاله : وَرِّيني بطاقتك إنت أكيد حامد !!

الشعب قاله : الله يلعن حامد على أبو حامد ( وسابهم وقعد بعيد ) ..

الإخوانجي كسب الرهان وقال للعسكري : تراهني أروح  وَرَا الشعب وأضربه على قفاه ؟؟

قاله: أراهنك !!

الإخوانجي قام ورا الشعب وضربه على قفاه وقاله : بقى إنت قاعد هنا يا حامد وسايبني اضرب في الشعب اللي قاعد هناك ؟!!

شكراً الفنان العظيم المنتصر بالله هو من قال هذه النكتة في مسرحية شارع محمد علي ولكني الآن أستعيرها في إطار الكوميديا السوداء من مسرحية الثورة والإخوان بمناسبة ترشيح الشاطر للرئاسة بعد تصريحات عدم الترشيح ، ولن أقول أكثر مما قيل وسمعناه وأكثر مما كتب وقرأناه ..

ولكني أقول : تعيش يا شعب ولا تاخد قفا جديد بحجة حامد يا حامد !!