http://www.almogaz.com/opinion/news/2012/04/17/250717
الراجل اللي واقف ورا
عمر سليمان ... آن آن آآآآآآآن ..
ويبص يقول أنا اهوو
أنا اهوو .. أنا اللي واقف ورا عمر سليماااان ..
هو حضرتك بتزعق ليه
.. ؟! ما تزعقش .. !! ..
الراجل اللي واقف ورا
عمر سليمان ... آن آن آآآآآآآن ..
أهو لَمَّا جه من غير
ما يكون واقف ورا عمر سليمان لخبط الدنيا
، الناس كلها كانت متعاطفة معاه وبتعتذر له أيام خطاب التنحي ، لكن الوقت بعد ما
كان هيضرب كل واحد من الصحفيين اللي كانوا بيسألوه قُدَّام اللجنة " قلمين
" على " وِشُّه " كل
الدنيا اتقلبت عليه وكل الناس بقت تِكَيّل له من " المِنَقِّي " شتايم ، معلش أصل إحنا ما لْحِقْنَاش نخلص من دراما ( سليمان
) علشان حضرتك تطلعلنا .. !! وبعدين لِم
زعابيبك بتاعة أمشير دي شوية ، دا الناس كانت بتشم النسيم إمبارح ومزاجها عال
العال .. عموماً أنا شامة ريحة إنَّ في الموضوع .. لّمَّا سيادتك تيجي اللجنة علشان
التظلم وحازم أبو إسماعيل ياخد خروج نهائي من سباق الرئاسة يبقى لسه الفار ما خرجش
من " عِبِّنا " وبيلعب فيه والجمعة الجاية وجمعة إنقاذ الثورة ومصير
الثورة وحكم الفلول ..!! إلا صحيح هو حضرتك ممكن تكون " إستبن " لسليمان
زي (مرسي إستبن الشاطر ) قصدي ولا مؤاخذة سيادتك يعني البديل الدوبلير ؟! .. ولا
آه ما هُوَّ لسه في اتنين إستبن .. عمرو موسى وشفيق .. المَكَّارين حاطوهم من الأول
لسليمان وكانوا عاملين حساب اليوم ده ، فحطوا " الإستبنين " قبل الراس
الكبيرة قصدي المرشح المحتمل .. ولا سليمان هو الإستبن لواحد فيهم ؟؟!! .. شوف
الخباثة !! .. بس نصيحة ما عدتش تطلع إلا وإنت واقف ورا عمر سليمان ..
( ما تقولش أمين شرطة
اسم الله ولَّا دبلوماسييي ..
وإيديه إزاي .. آ كدا
كدا هُو .. ودقنه إزاي .. آ كدا كدا هُو .. وحواجبه إزاي .. كدا هُو ..
ويُقف ويقول أنا اهوو
أنا اهوو ، لا تعليق ما عنديش حاجة أقولهاااااا..
ياه ياه يا راجل يا اللي
واقف ورا عمر سليماااان ...
ليست هناك تعليقات:
إرسال تعليق